हजार बढी सपनाले, थिची यता आको मान्छे
ज्यूँदो आगो टेक्नु रैछ, कहाँ थिएँ पाको मान्छे।

होला त नि मेरो पनि, भएकै छ संसारको 
भन्ने सोची थात थलो, छोडी टाढा गाको मान्छे।
(हजार बढी सपनाले, थिची यता आको मान्छे) 

 दुख सुन्नु, दुख चिन्नु, हैन रैछ एकै कुरा 
लाड प्यार बाबु आमा, मात्तिएर खाको मान्छे। 
(हजार बढी सपनाले, थिची यता आको मान्छे)

पढ्न जान्नु यौटा कुरा, बाँच्न जान्नु अर्कै रैछ
आफ्नो दुख आफैं सँग, देख्दा राम्रै लाको मान्छे। 
(हजार बढी सपनाले, थिची यता आको मान्छे)

ऐना हेर्दा धुस्रे फुस्रे, आफैलाई चिन्न गारो 
जिन्दगीले उराठ लाग्ने, गीत भेटि गाको मान्छे।
(हजार बढी सपनाले, थिची यता आको मान्छे)

September 2024-Mohan Kharel