रनभुल्ल जिन्दगीमा, मन यसै खिन्न भयो
असारमा सार खोज्ने,  काम यौटा भिन्न भयो। 

बिर्सिदिन दुखहरु, बन्दकीमा होशहरु 
राखिदिएँ, खाएँ, पिएँ, ज्यान यसै टिन्न भयो। 
(रनभुल्ल जिन्दगीमा, मन यसै खिन्न भयो।)

ज्ञान भन्छन् ध्यान भन्छन्, भन्छन् काम दाम 
यसै टिन्न उसै टिन्न, म यो टेन्शन लिन्न भयो। 
(रनभुल्ल जिन्दगीमा, मन यसै खिन्न भयो।)

कैलेकाहीं बन्दकीको, होश फिर्ता ल्याउने कुरा 
बिझ्दो रैछ काँडा सरि, ध्यान त्यता दिन्न भयो। 
(रनभुल्ल जिन्दगीमा, मन यसै खिन्न भयो।)

बेहोशी नै होस भन्दा, छिटो मिठो भए पछि 
यसै न्यानो भएकै छ, किन सिरक किन्न पर्यो। 
(रनभुल्ल जिन्दगीमा, मन यसै खिन्न भयो।)

Oct 2024 (मोहन खरेल)