त्यो एक दिन त्यो एक छिन देखियौ कसरी
के उल्का भयो यो मुटु भित्र लेखियौ कसरी।
मनैमा रोपें मायाको बिउ मनैमा लुकाएँ
आँशुको भेल भिजेका बेला मनैले सुकाएँ।
देखिएँ कति पारेर मौका पढ्छौ कि भनेर
बुझेर व्यथा यो दिल भित्र अड्छौ कि भनेर।
इशारा व्यर्थ गए हुन् कति लाचार भएँ म
टुटेको मन इलाजै बिना विदेश गएँ म।
फर्केर आएँ सौगात ल्याएँ खै दिउँ कसरी
नपर्खी अन्तै गएकी भए मै जिउँ कसरी।
मनको भाषा मनकै आशा राखेर मनैमा
उकुचै पल्ट्या लिएर घाउ हाँसू म कसरी।
पिएर तिर्खा हरेक दिन बाँचू म कसरी
फुट्ला झैं भाको यो मुटुसँग नाचूँ म कसरी।
संसार हेर्छु बिरानो लाग्छ छैन भर् कसैको
पोखिने डर यो बह मनको साँचू म कसरी।
उकुचै पल्ट्या लिएर घाउ हाँसू म कसरी
पिएर तिर्खा हरेक दिन बाँचू म कसरी।
